*******************************************************
Param Pujya Shri Sadgurudev ji Asharam Bapuji ke shrimukhaarvind se bhakton ke prashno ka samaadhaan
*******************************************************
Prashn kartaa : Shambhu Kumaar; Gaanv : Raghunathpur Bihaar.
Question 1 :
Gurudev aap se Patanaa me dikshaa li thi. ..(Gurudev bole : Bihaari baa?..:) ) ..kuchh din saadhanaa karane ke baad kuchh aisi ghatanaa ghati ki man me vikshep hone lagaa...sandhyaa, saadhanaa me man bahut bechain-saa rahene lagaa...meri sthiti bahut dayaniy hai..samaadhaan ke liye aap ki sharan aayaa hun...
answer :-
tum ko to kya vikshep huaa hoga, mere ko to aisaa vikshep huaa ki mere ko to bataane me bhi sharam aati hai..lekin aap ke gyaan vardhan ke liye mujhe bataa denaa chaahiye..
saadhan bhajan karate hai to janm janmaantar ke antkaran me jo sanskaar hai un ki parate hatati to jo maal padaa hai vo uchhal kud karataa hai..to ham aagrah karate ki aisa nahi hona chaahiye to vikshep hotaa hai...agar pasaaar ho jaaye, vikshep hotaa hai to hone do.. athavaa vikshep naa ho aisi paramaatmaa ko prarthanaa kar ke phir aagyaa chakr me dhyaan karo ki 'niche ke kendro ke jo sankaar hai chhodo'.. to us ke vikshep se bach jaayenge...
dusaraa aisaa vikshep hotaa hai ki jo saadhan karate hai aur khub dil lagaa kar karate hai to aap ke sharir ke jo ang hai vo vishesh majbut hote hai...kaarykshamataa un ki badh jaati hai.. kaary kshamataa badh jaati hai to jo bhakt hai, kaam vikaar se bache hai aise logo ke andar bhi kaam vikaar utpann ho jaataa hai..
ganeshpuri ke muktaanand baba ne apane anubhav men likhaa hai ..granth hai un ka kundalini yog us me likhaa hai aisa mere sunane me aayaa.. to un ko to aisaa hotaa thaa...un ko hi nahi , mere ko bhi aisaa hotaa thaa ki aise vikaar utpann ho ki ..kisi baai ke prati nahi lekin vikaari indriyaa itani jor se jor maare ki langoti tut jaaye...mere ko aisaa hotaa ki maine khaanaa-pinaa chhod diyaa ..thode chane bhigo ke khaataa ..phir bhi aisaa vikaar, aisi soch ki kalpanaa bhi nahi kar sakate..aur aisaa bhi nahi ki man me vikaar hai-shaadi huyi thi..patni binati kar rahi thi..maa aur us ke maayake ne bhi samajhaayaa thaa..us samay aisaa nahi thaa aur ab to disaa me rahete aur itanaa vikaar?..agar vikaar itanaa hotaa to ham to chale aate ahmdaabaad ..ghar me to sab baat dekh rahe the ki kab aaye bhaiyya..kab aaye betaa..kab aaye patidev...kab aaye mitr...lekin vikaar huaa to vikshep huaa ki nahi honaa chaahiye..phir disaa men banaas nadi hai..gogundaa se chalati hai..to us nadi ke paani me jaakar ham baithate the...aur phir bhi indriyaa bilkul aise ki baas..to apane aap par ronaa aataa aur apane aap ko kaan pakad ke tamaache maarate..aur ek baar to maine guruji ko bhi chiththi likh di ki mere ko hotaa hai ki chakku leke chhuraa lekar is kaam indriyaa ko mai kaat ke phenk dun..itanaa kuchh hota hai...to guruji ne uttar bhejaa ki bhagavaan dayaa karegaa , chintaa nahi karo..haalaaki guruj i kaa lilaashaah bapuji kaa ye raastaa nahi thaa..ye kundalini yog ka raastaa hai...guruji ka tatvgyaan ka raastaa hai..lekin tatvgyaan me pahunche huye purush ko to sabhi raasto ka anumaan to ho hi jata hai..phir disa ke wo awasthaa se ham baahar aa gaye..to aisaa kyo hotaa hai? kabhi jibh nikalati..kabhi aankhe aisi hoti... kabhi golghanti jaisa sharir ghumataa hai..kabhi haasy hotaa hai ..
to hamaare sansaar ka saar sharir hai... yog vashishth ke aadhaar se bolataa hun...sharir kaa saar indriyaa hai..indriyon kaa saar man hai..man kaa saar budhdi hai...budhdi ka saar jivaatmaa hai..jivaatmaa kaa saar vo chidaawali hai- kundalini shakti..us me sanskaar bhare rahete hai...to jab jaagrut hoti hai to gyaaneshwari gitaa ke 6the adhyaay ke 10ve shlok me is dhyaan yog ki mahimaa hai jo apan karate hai yaa sikhaate hai.. yogi pahele chhote mote raasto se chalataa hai, ye raaj maarg milataa hai to yogi phir sambhalataa hai..pahele to vo bhaybhit kar deti hai jab chitt shakti jagrut hone lagati...vikshep kar deti hai..vilakshanataa kuchh hoti hai.. us ke sharir ka majjaa maith ko chaat jaati hai..rogo ke sath sharir ke majja aur charabi ko bhi chaat jaati hai..phir us ke sharir me aise aise ye ye hotaa hai..ye maine padhaa huaa thaa...to mai vikshep ke samay bhi jyaadaa to darataa nahi thaa...lekin jab ye huaa to dar to nahi huaa..lekin apane aap par glaani aati thi...apane aap ko thapade maaranaa..ye vo karanaa..ye awasthaa hai..aa ke chali jaayegi..to raajasi awasthaa,saatvik awasthaa, taamasi awasthaa antakaran ke sath,sharir ke saath, prakriti ke saath lagi raheti..lekin is me sundar upaay hai jo mujhe us samay nahi milaa thaa..aap ke liye milaa hai abhi..jaise mere bhaai ko livar ki takalif thi to mere ko upaay nahi milaa..aur meraa bhai mar gayaa angreji davaaye kar kar ke..liver thik nahi kar sakate angreji davaaye...baad me mere ko mantr milaa..aur vo kisi ko bhi dete to chamatkaarik phaayadaa hotaa hai.. piliyaa chalaa jata hai (jaundice)..to mere ko jo vikshep kaa saamanaa karanaa padaa yaa muktaanand swaami ko vo abhi aap ko nahi karanaa padegaa..kyo ki aap in awasthaao se apanaa sambandh vikshep maan lo..aisi awasthaa rahe , naa rahe lekin phir bhi jo naa rahe us ki taraf sajaag ho jaao...to braamhi sthiti praapt kar kaary rahe naa shesh... meraa dhyaan lagaa rahe..mujhe aashirwaad do..meri aisi sthiti bani rahe...nahi nahi..is se bhi aage jaao..aisi sthiti bani rahe, aisaa ho jaaye, aisaa naa ho ye chhodo ...jo ho ho ke badalataa hai us ko mahatv naa do..aur jo kabhi nahi badalataa us ko chhodo mat.. to bahut saari saadhanaao ke galiyaare aur sadako ke binaa hi aap udaan bhar udhar tak pahunchane me saphal honge...jaise maa ko genhu lana, aataa pisanaa, ye karanaa, rasoyi banaaanaa ..aur bete ko taiyyar bhojan khaanaa hai..aise aap ko to taiyyar maal mil rahaa hai..ham ne jo paapad bele, hamaare guruji ne jo paapad bele wo saari mehanat kaa phaaydaa aap logo ke liye taiyyar maal!..vikshep rahit surkshit raaste ham aap ko le jana chaahate hai..to aisa kyu hota hai samajh gaye..aur vikshep kaise mite, margdarshan kijiye ..ho gayaa?
is uttar se dusare logo ko jin ko samaadhaan huaa vo haath upar karo...sekando-hajaaro haath upar hai..
******************************************
कोई टिप्पणी नहीं:
एक टिप्पणी भेजें